కామారెడ్డి (విజయక్రాంతి): ఎడతెరిపి లేకుండా వర్షాల కారణంగా కామారెడ్డి(Kamareddy)లోని జి ఆర్ కాలనీ, హౌసింగ్ బోర్డ్ కాలనీలో ఇళ్లన్నీ బురదమయం కావడం వలన శనివారం రోటరీ క్లబ్, వాకర్స్ అసోసియేషన్ ఆధ్వర్యంలో ఇళ్లను శుభ్రపరచడంలో వారికి ఉదయం నుండి మధ్యాహ్నం వరకు సహాయం చేశారు. ప్రతి ఇంటికి వెళ్లి క్లీన్ చేస్తూ వారికి అండగా ఉన్నామని చెప్పి, సపోర్ట్ చేస్తూ అలాగే మధ్యాహ్నం అక్కడున్న వారందరికీ  భోజన వసతి కల్పించారు. కామారెడ్డి కలెక్టర్ అభినందించారు. ఈ కార్యక్రమంలో రోటరీ అసిస్టెంట్ గవర్నర్ డాక్టర్ ఎం జైపాల్ రెడ్డి మాట్లాడుతూ, విపత్కర సమయంలో రోటరీ క్లబ్ ముందుంటుందని తెలియజేస్తూ కామారెడ్డిలో ఇప్పటివరకు ఇలా జరగలేదని తెలియజేస్తూ ప్రతి ఒక్కరికి ధైర్యాన్ని అందిస్తూ ముందుకెళ్లడం జరిగింది.

ఈ కార్యక్రమంలో వాకర్స్ అసోసియేషన్ , RK విద్యా సంస్థల ప్రతినిధులు ,వివిధ సంస్థలు మరియు రోటరీ అధ్యక్షులు శంకర్, సెక్రటరీ సబ్బని కృష్ణ హరి ట్రెజరర్ వెంకట రమణ,రోటరీ మెంబర్స్ రాజనర్సింహారెడ్డి,సుధాకర్,బాలకిషన్ వాకర్స్ అసోసియేషన్ అధ్యక్షులు  సుధాకర్ రావు,శ్యామ్ గోపాల్, నాగరాజు ,నవీన్ కుమార్, గిరిగంటి లక్ష్మీనారాయణ,ఆర్మీ కోచ్  రాజేష్ వాలంటీర్స్ మరియు విద్యార్థులు తదితరులు పాల్గొన్నారు.