గద్వాల: గద్వాల పట్టణంలోని ప్రభుత్వ పాలిటెక్నిక్ కళాశాలలో నిర్మాన్ ఆర్గనైజేషన్ (హైదరాబాద్) వారి ఆధ్వర్యంలో ఈరోజు విద్యార్థులకు ఉద్యోగ అవగాహన, కమ్యూనికేషన్ స్కిల్స్ మరియు ఇంటర్వ్యూ స్కిల్స్ అంశాలపై ప్రత్యేక అవగాహన కార్యక్రమాన్ని నిర్వహించారు. ఈ కార్యక్రమానికి కళాశాల ప్రిన్సిపాల్ టీ. రామ్మోహన్ ముఖ్య అథిదిగా హాజరై మాట్లాడుతూ, విద్యార్థులు కేవలం సాంకేతిక విద్యతో పాటు కమ్యూనికేషన్ మరియు వ్యక్తిగత నైపుణ్యాలను కూడా అభివృద్ధి చేసుకుంటే మంచి ఉద్యోగ అవకాశాలు సాధించవచ్చని తెలియజేశారు. ఈ కార్యక్రమంలో కళాశాల అధ్యాపకులు, సిబ్బంది మరియు అధిక సంఖ్యలో విద్యార్థులు పాల్గొని ఈ అవగాహన సదస్సును విజయవంతం చేశారు.