మిర్యాలగూడలో ప్రమాదం: ముగ్గురు దుర్మరణం 

మిర్యాలగూడ: నల్గొండ జిల్లాలోని(Nalgonda district) మిర్యాలగూడ బైపాస్‌పై శుక్రవారం జరిగిన ఘోర రోడ్డు ప్రమాదంలో ముగ్గురు కూలీలు మృతి చెందగా, మరో ముగ్గురికి తీవ్ర గాయాలయ్యాయి. మిర్యాలగూడ బైపాస్ రోడ్డుపై(Miryalaguda Bypass Road) మలుపు తిరుగుతుండగా వేగంగా దూసుకొచ్చిన డీసీఎం వాహనం సిమెంట్ ట్యాంకర్ ను ఢీకొట్టడంతో ఈ ప్రమాదం జరిగింది. ఈ ఢీకొన్న ఘటన ప్రభావం తీవ్రంగా ఉండటంతో, ముగ్గురు కార్మికులు అక్కడికక్కడే మరణించారు.

గాయపడిన వారిని మిర్యాలగూడ ఏరియా ఆసుపత్రికి(Miryalaguda Area Hospital) తరలించారు. అక్కడ వారికి చికిత్స అందిస్తున్నారు. మృతులను బీహార్ కు చెందిన బీరు బాయ్(30), సంతోష్(30), సూరజ్(18)గా గుర్తించారు. ప్రమాదం జరిగిన సమయంలో సిమెంట్ ట్యాంకర్ గుంటూరు నుంచి మిర్యాలగూడ వైపు ప్రయాణిస్తోంది. డీసీఎం శంషాబాద్ నుంచి మార్బుల్స్ తో గుంటూరు వైపు వెళ్తోందని అధికారులు వెల్లడించారు. ఈ ఘటనపై కేసు నమోదు చేసుకున్న పోలీసులు మృతదేహాలను స్వాధీనం చేసుకుని పోస్టోమార్టం నిమిత్తం మార్చురీకి తరలించారు.